အောက်တိုဘာ ၁၃ ရက်နေ့ နံနက် ၉ နာရီ ၄၀ မိနစ်ခန့်တွင် ကမ္ဘာအေးဘုရားလမ်း (ရွှေဂုံတိုင်မီး ပွိုင့်အနီး)၌ အုတ်သယ်ယာဉ်တစ်စီး ဘရိတ်ပေါက်အရှိန်လွန်ကာ လမ်း ဘေးဓာတ်တိုင်နှင့်တက္ကစီယာဉ်တို့အား တိုက်မိမှုဖြစ်ပွားခဲ့ကြောင်း သတင်းရရှိသည်။
ဖြစ်ပွားပုံမှာ ရွှေဂုံတိုင်မီးပွိုင့်မိနေသောကြောင့် ကမ္ဘာအေးဘုရားလမ်းပေါ်တွင်ကားများရပ်စောင့်နေကြစဉ် ယင်းအုတ်သယ်ယာဉ်မှာ ဘရိတ်ပေါက်အရှိန်လွန်ကာ ပလက် ဖောင်းပေါ်တက်မောင်းရာမှ ဓာတ်တိုင်ကိုဝင်တိုက်ခဲ့ကြောင်း၊ ထို့နောက်မီးပွိုင့်စောင့်နေသော တက္ကစီယာဉ်တစ်စီးကို ဆက်တိုက်မိကြောင်းသိရသည်။ ပလက်ဖောင်းပေါ်ရှိ အတိုက် ခံရသောဓာတ်တိုင်မှာ လမ်းပေါ်သို့ပြိုလဲသွားပြီး တက္ကစီယာဉ်တစ်စီး၏ စက်ဖုံးကိုပိမိကြောင်းလည်းသိရသည်။
"ဒီအုတ်သယ်ကားက ဟိုတိုက်ဒီတိုက်လိုက်တိုက်လာပြီးမှ ကျွန်တော့်ကားကိုတိုက်ပြီးရပ်သွားတယ်။ ကျွန်တော့်ကားကိုမတိုက်ခင် ပလက်ဖောင်းပေါ်ခွမောင်းလာတာကနေ ဓာတ်တိုင်ကိုအရင်တိုက်လိုက်သေးတယ်။ ပြီးတော့မှ ကျွန်တော့်ကားကိုတိုက်တာ၊ ကားတောင်ဒီလိုမျိုးလည်ထွက်သွားတယ်"ဟုအတိုက်ခံရသောတက္ကစီယာဉ်မှယာဉ်မောင်းဖြစ် သူကပြောပြခဲ့သည်။
"အဲဒီကားကဘရိတ်ပေါက်ပြီးထိန်းလို့မရဖြစ်နေတော့ ကားအနောက်အုတ်ပုံပေါ်မှာပါလာတဲ့အလုပ်သမားတွေက ကြောက်ပြီးတော့ခုန်ဆင်းကြတာ ဒဏ်ရာတွေရကုန်တယ်။ အလုပ်သမားလေး၊ ငါးဦးလောက်ပါပြီး ခုန်ချကြတာတွေ့ရတယ်။ ကားမောင်းသမားဆို အနားကခြံဝင်းထဲကိုထွက်ပြေးတယ်။ ဒါပေမယ့်ဖမ်းမိသွားတယ်" ဟု မျက်မြင်တွေ့ရှိခဲ့သူတစ်ဦးက ပြောပြသည်။
"အဲဒီအချိန်မှာ ကားတွေအကုန်လုံးက ပွိုင့်မိနေတာ၊ ကားပေါ်မှာလည်းခရီးသည်တစ်ယောက်ပါတယ်။ အဲဒီအုတ်သယ်ယာဉ်ကဓာတ်တိုင်ကိုတိုက်ချသွားပြီးတဲ့အချိန်မှာ ဓာတ်တိုင်က ကျွန်တော့်ကားရဲ့စက်ဖုံးပေါ်ကိုလာပိတယ်။ ပါလာတဲ့ခရီးသည်ဆို လန့်ပြီးဆင်းပြေးတာ ကံကောင်းလို့ကားတိုက်မခံရတယ်" ဟု ဓာတ်တိုင်ပိမိသောတက္ကစီယာဉ်ပေါ်မှယာဉ် မောင်းဖြစ်သူက ပြောပြခဲ့ပါသည်။
0 comments:
Post a Comment