မော်တော်ယာဉ်များ
အချိန်ကြာမြင့်စွာ ပိတ်ဆို့နေရခြင်း၏ အဓိက အကြောင်းအရင်းမှာ အချက်ပြ
မီးပွိုင့် မှန်ကန်မှုမရှိခြင်းနှင့် သတ်မှတ်လမ်းဧရိယာမပြည့်၍ဖြစ်ကြောင်း
ယာဉ်မောင်းများထံက သိရသည်။
"ကားတွေ များလာတာနဲ့တော့ မဆိုင်ပါဘူး။
သူများနိုင်ငံတွေမှာဆိုရင် ကျွန်တော်တို့ နိုင်ငံထက် များပါတယ်။
ဘယ်ကားသမားပဲ မေးကြည့်ကြည့်ပါ။ မီးပွိုင့်ပေးချိန် မမှန်တာက အဓိက
လိုဖြစ်နေတာ။"ဟု ရန်ကုန်မြို့တွင်း တက္ကစီပြေးဆွဲနေသူ ကျော်ထက်က ပြောသည်။
ရန်ကုန်မြို့တွင်းရှိ ကိန်းဂဏန်းဖြင့်
ဖော်ပြသော မီးပွိုင့်များမှာ စက္ကန့် (၃၀)ကြာချိန်၊ စက္ကန့်
(၉၀)ကြာချိန်သတ်မှတ်ချက်များရှိပြီး အဆိုမီးပွိုင့်များသည် မီး ၀ါ၊ စိမ်း၊
နီဖြင့်သာ အသုံးပြုနေခြင်းဖြစ် သည်။
မီးပွိုင့်များတွင် တစ်ဖက်ယာဉ်ကြောမှ
ထွက်ခွာရန် မီးစိမ်းပြနေချိန်၌ အခြားတစ်ဖက်ယာဉ်ကြောမှ ရပ်တန့်ရန်၊
မီးနီပြအခြေအနေတွင် လမ်းမကြီးများပေါ်၌ ယာဉ်များ ရပ်တန့်ထားခြင်းကြောင့်
ကြန့်ကြာမှုများ ဖြစ်ပေါ်လာပြီး အချိန်ကြာမြင့်စွာ လမ်းပိတ်ဆို့မှု
များဖြစ်ပေါ်လာရခြင်းဖြစ်ကြောင်း ခရီးသွားပြည်သူများထံက သိရသည်။
"လမ်းတွေမှာကြည့် သတ်မှတ်ထားတဲ့ လမ်းဧရိယာကို
မပြည့်တော့ဘူး။ ရန်ကုန်မြို့ထဲမှာဆို ကျွန်မ တို့ တွေ့တာ ပြည်လမ်းမကြီး
တစ်ခုပဲရှိတယ်။ ဒါတောင်ပြည်လမ်းက အစအဆုံး မဟုတ်ဘူးနော်။(၈) မိုင်ကနေ
လှည်းတန်း လောက် အထိပဲ။ ဘယ်ကားမှ မကြပ်ဘူး။ အင်းစိန်လမ်းဆို အချိန်ပြည့်
လမ်း ပိတ်တာ ကြုံရတယ်"ဟု အင်းစိန်မှလှည်းတန်းသို့ နေ့စဉ်သွားလာနေသူ
မအေးမိစံက ပြောသည်။
ရန်ကုန်မြို့တွင်းရှိ လမ်းမကြီး (၇)ခုမှာ
(၇၂)ပေရှိပြီး အခြားလမ်းများမှာ (၄၈)ပေနှင့် ပေ(၆၀)ရှိပြီး (၂၀၁၀)
ခုနှစ်အတွင်းက အဆိုပါလမ်းမများ၌ ယာဉ်တစ်သိန်းကိုးသောင်းကျော်သာ သွားလာ နေကြပြီး ယခု (၂၀၁၂) ခုနှစ်တွင် ယာဉ်အ စီးရေ နှစ်သိန်း နှစ်သောင်း ကျော် သွားလာမှုရှိကြောင်း သတင်းထုတ်ပြန်ချက်များအရ သိရသည်။
"အခုဆို ကားသစ်တွေ ၀င်လာတာများတာနဲ့အမျှ
လမ်းတွေ ကြပ်လာနိုင်ပါတယ်။ အင်းစိန်လမ်းတို့ မြို့ထဲတို့
ကမ်းနားလမ်း တို့ဆိုတာလမ်းမကြီးတွေပေါ်မှာ ဟိုဘက်မှာတစ်စီးဒီဘက်လမ်းမှ တစ်စီးရပ်ထားတာတွေ ရှိတော့လမ်းကနှစ်လမ်းသွားဆိုတစ်လမ်းသွား ပဲဖြစ်တော့တယ်လေ၊ အဲလိုမဖြစ်ရအောင် လမ်းမပေါ်တွေမှာ
နေ့စဉ်ရက်ဆက်
ရပ်ထားတဲ့ ကားတွေကို အရေးယူမှုတွေ ဆောင်ရွက်သင့်တယ်"ဟု ကုမ္ပဏီဝန်ထမ်း
ကိုတရုတ်ကြီးက ပြောသည်။
ရန်ကုန်မြို့တွင်းရှိ လမ်းများအား
သတ်မှတ်ထားသော ဧရိယာပြန်လည်ပြည့်မှီအောင် ဆောင်ရွက်ခြင်း ဖြင့်
ယာဉ်ကြောပိတ်ဆို့မူများ ဖြေရှင်းနိုင်ကြောင်း
ကားအရောင်းအ၀ယ်ပြုလုပ်သူများထံက သိရသည်။
0 comments:
Post a Comment